«Талбан» биэриигэ Сунтаар улууһун Кутана нэһилиэгиттэн балаҕан ыйыгар оҕоломмут кыыс ыалдьыбытын, киниттэн тоҕо анаалыс ылбаттарын туһунан «быһа биэриигэ» ыйыппытын, көрөөччүлэр олус чугастык ылыннылар.
edersaas.ru
«Ити кыыска тоҕо быраас кэлбэтий?» — диэн үгүс киһи ыйыппытын ыытааччы Олег Колесов-Талбан холобурдаата. Кини: «Кутанаҕа балаһыанньа хайдаҕый?» — диэн ыйытыылаах Сунтаар улууһун баһылыга Анатолий Григорьевка төлөпүөнүнэн тахса сырытта. Улуус баһылыга Кутанаҕа уонна Элгээйигэ суол сабыллыбытынан сибээстээн, эбии «куойкалар» аһыллыбыттарын бэлиэтээтэ. «Балыыһаларга ыалдьыбыт дьоҥҥо эмтэрэ, тиэхиньикэ баар. Ыалдьыбыт киһи бырааска эрийэн, «ыарыйдым» диэн эттэҕинэ, биэлсэрдэр кэлэн, ПЦР, ИФА анаалыстарын ылаллар», — диэн эттэ. Кэпсэтии түмүгэр Талбан төлөпүөнүнэн тахсыбыт соругун баһылыкка туһаайан: «Кутанаҕа олорор икки ыйдаах оҕоҕо болҕомтоҕун ууран, кини ийэтигэр эмчиттэр кэлэллэрин ситиһэриҥ буоллар», — диэтэ.
Елена ПОТОЦКАЯ, «Саха сирэ» хаһыат, edersaas.ru