«Талакан» хампаанньа «Манчаары оонньууларыгар» массыына бирииһи туруорда

«Манчаары оонньууларыгар» оҕунан ытыы муҥутуур кыайыылааҕар «Талакан» хампаанньа салайааччыта, урбаанньыт, меценат, СӨ оҕунан ытыыга федерациятын бэрэссэдээтэлэ Василий Николаев «Лада Веста» массыынаны бириис быһыытынан туруорда. 

«Түөрт сылга биирдэ ыытыллар улахан таһымнаах спартакиада ыытыллаары турар. Ол иһин бириистэрэ эмиэ манна эппиэттиир таһымнаах буолуохтаахтар. Биһиги хампаанньабыт оҕунан ытыыга муҥутуур кыайыылаах аатын ылбыт киһиэхэ массыына туттарыаҕа. Бу көрүҥҥэ 120 киһи илин-кэлин түсүһэрэ күүтүллэр», — диэн Василий Николаев санаатын үллэстэр.

Санатан суруйдахха, от ыйын 7-11 күннэригэр Горнай улууһун Бэрдьигэстээҕэр «Манчаары оонньуулара» ыытыллаары турар. Спартакиада бырагыраамытыгар 11 успуорт көрүҥэ киирдэ.