Саайпытыгар аҕыйах хонуктааҕыта «Бүлүү» федеральнай суолунан айаннан испит таксистар ыстарааптаннылар диэн суруйбуппут.
edersaas.ru
Таксистары тоҕо ыстарааптыыллар диэн баҕар ыйытыаххыт. Ол курдук, коронавирус дьаҥа өрө турбутунан сибээстээн, Ил Дархан ыйааҕынан муус устар 15 күнүттэн өрөспүүбүлүкэ иһигэр улуустар икки ардыларынааҕы пассажирдары таһар таксилар сырыылара тохтотуллубута.
ГИБДД Саха сиринээҕи управлениета иһитиннэрбитинэн, муус устар 15 күнүттэн ыам ыйын 27 күнүгэр диэри Ил Дархан ыйааҕын ирдэбиллэрин кэһии 41 түбэлтэтэ тахсыбыт. Ыйаахха олоҕуран, таксилар уонна М1, М2 категориялаах оптуобустар федеральнай, эрэгийиэннээҕи уонна олохтоох суолларынан сылдьаллара, дьону таһаллара бобуллубута.
ГИБДД Саха сиринээҕи управлениета иһитиннэрбитинэн, муус устар 15 күнүттэн ыам ыйын 27 күнүгэр диэри Ил Дархан ыйааҕын ирдэбиллэрин кэһии 41 түбэлтэтэ тахсыбыт. Ыйаахха олоҕуран, таксилар уонна М1, М2 категориялаах оптуобустар федеральнай, эрэгийиэннээҕи уонна олохтоох суолларынан сылдьаллара, дьону таһаллара бобуллубута.
Муус устар 18 күнүгэр «Бүлүү» федеральнай суолун 705-с килэмиэтиригэр Ньурбатааҕы ДПС иниспиэктэрдэрэ «Тойота Хайс» массыыналаах 1982 с. төрүөх суоппары туппуттара. Массыына солуонугар 14 пассажир олорсон испит. Бэрэбиэркэ түмүгүнэн РФ Бэрэсидьиэнэ 02.04.2020 с. таһаарбыт 239 №-дээх ыйааҕын 2 пуунун уонна Ил Дархан 14.04.2020 с. таһаарбыт №1119 ыйааҕын кэспитэ быһаарыллыбыт.
Онон суоппар дьыалата Ньурба оройуонун суутугар көрүллэн, буруйдааҕа дакаастанан, 30 тыһ. солк. ыстарааптанна.
edersaas.ru
+1
+1
+1
+1
+1
+1
+1