“Таймылыыр” уу аала устар

Ааптар: 
Бөлөххө киир:

От ыйын 30 күнүгэр балыктыыр уонна таһаҕас тиэйэр “Таймылыыр” диэн суудунаны “Өктөөп өрөбөлүүссүйэтэ” Благовещенскайдааҕы суудунаны тутар собуот ууга киллэрдэ. Бу уу аала Булуҥ улууһугар үлэлиир “Таймылырскай” МУП үлэҕинэн оҥоһуллубут. 

Алта туоннаҕа тиийэ балыгы тиэйэр кыахтаах тиэрмэс-трюмнардаах. Собуот бэрэстэбиитэлэ Владимир Петров кэпсииринэн, эрдэтээҥҥи бырайыак халыыбынан оҥоһуллубут уу аала дьоҥҥо табыгастаах буоларын курдук таҥыллыбыт. Икки киһи утуйар миэстэлээх, саҥа навигационнай тэриллэрдээх. Үрэхтэргэ чычаас сиринэн, боротуохаларга сылдьар кыахтаах, ону таһынан муораҕа 5 км тиийэ тахсыан сөп.

Уу аалын үлэҕэ киллэрии үөрүүлээх сиэригэр-туомугар СӨ Бырабыыталыстыбатын бэрэссэдээтэлэ Андрей Тарасенко, солбуйааччы Михаил Никифоров, Амур уобалаһын вице-премьерэ Александр Нестеренко уонна да атыттар кытыннылар. Ол кэнниттэн боту Өлүөнэ өрүскэ диэри тиэйэн иттилэр. Салгыы “Таймылыыр” Булуҥ улууһугар устуохтаах. 

«Саха сирэ» хаһыат, edersaas.ru

Хаартыска sakha.gov.ru

+1
0
+1
0
+1
0
+1
0
+1
0
+1
0
+1
0