Саҥа дьылбыт чугаһаан онно сыһыаннаах араас иһитиннэриилэр элбэхтэр. Кэлэр сыл баабыр сыла буолан, хаартан, муустан онно сыһыаннаах оҥоһуктары араастаан оҥорбуттара социальнай симинэн тарҕанан өрөспүүбүлүкэни биир гына тилийэ көтөр.
Бу күннэргэ Горнай улууһун Мытааҕар тайах муостарыттан харыйа оҥорбуттарын туһунан хаартыскалаах сонун эмиэ тилийэ көттө. Мытаах нэһилиэгин баһылыга Иван Петровка суотабайыгар эрийэн билсибиппитигэр, «Ити адьас сымыйа сурах. Мас харыйа сандааран турар”, — диэн иһитиннэрдэ. Бассаабынан ыыппыт хаартыскаларын сыныйан көрдөххө, хаара суох хара сир харааран көстөр. Онон атын дойдуга сыһыаннааҕа чуолкай.
edersaas.ru
+1
+1
+1
+1
+1
+1
+1