Кулун тутар 23‒25 күннэригэр Мэҥэ Хаҥалас улууһун дэлэгээссийэтэ Алдан куоракка кыһыны атаарыы бырааһынньыгар итиэннэ “Сиэрпэ уонна Өтүйэ” доҕордоһуутун 50 сылын бэлиэтиир үөрүүлээх тэрээһиҥҥэ кыттыыны ылла.
Алдаҥҥа улуус култуураҕа уонна духуобунай сайдыыга управлениетын начаалынньыгын солбуйааччы Надежда Максимова, Майа сэлиэнньэтин баһылыгын солбуйааччы Гаврил Толстяков, Майа сэлиэнньэтин дьокутааттарын сэбиэтин бэрэссэдээтэлэ Павел Судико, үөрэх управлениетын начаалынньыга Ирина Черкашина, “Хоту” ТХПК салайааччыта Иван Максимов, “Тумул” ТХПК дириэктэрэ Таисия Десяткина, “Мыла” бааһынай хаһаайыстыба салайааччыта Дмитрий Назаров уо.д.а. сырыттылар. Дэлэгээссийэни оройуон баһылыгын бастакы солбуйааччы Павел Сазонов салайда.
Кыһыны атаарыы бырааһынньыгын үөрүүлээх аһыллыытыгар Алдан оройуонун баһылыга Северин Поздняков уонна Алдан куорат баһылыга Александр Бугай тыа хаһаайыстыбатын салаатыгар үрдүк көрдөрүүлэрин иһин “Сиэрпэ уонна Өтүйэ” бириэмийэни Таисия Десяткинаҕа туттардылар.
Марфа ПТИЦЫНА, «Саха сирэй хаһыат, edersaas.ru сайтка анаан