2024 сылга диэри өрөспүүбүлүкэ салалтата табаһыттарга анаан 60 дьиэни тутар былааннааҕын туһунан ТАСС иһитиннэрдэ.
«Туундараҕа көһө сылдьан үлэлиир табаһыттарга уонна тыаҕа хаһаайыстыбалаах үлэһиттэргэ диэн тус-туспа дьиэлэри тутуохтара. Бу дьиэлэр 12 кв.м. иэннээх сыарҕа сыҥааҕар турар чэпчэки оҥоһуулаахтар. Маны көлүүрдээх табаларынан сыҕарытыллар. Дьиэ иһигэр түөрт киһи хонор кыахтаах», — диэн өрөспүүбүлүкэ тыа хаһаайыстыбатын министиэристибэтэ быһаарар.
Министиэристибэҕэ иһитиннэрэллэринэн, ааспыт икки сыл устата 30 итинник дьиэ тутуллан табаһыттарга тиксэриллибит.
Дьиэлэр аныгы чэпчики матырыйааллартан таҥыллыбыттар, иһигэр электрическэй сырдатар систиэмэлээх. Дьиэни 20 мүнүүтэ иһигэр таҥыахха уонна төттөрү хомуйуохха сөп.
Саха сирин тыа хаһаайыстыбатыгар таба иитиитэ — төрүт олохтоох аҕыйах ахсааннаах норуоттарын бэрэстэбиитэллэрэ эрэ дьарыктанар салаалара. Бу дьарык хаһаайыстыба салаата эрэ буолбакка, элбэх ыал сааһын тухары тутуһар үгэһэ. 2019 сылга Саха сиригэр таба ахсаана 162 тыһыынчаттан тахса төбөҕө тиийбит. 100-тэн тахса таба иитэр хаһаайыстыба үлэлиир, олорго 1,3 тыһыынчаттан тахса киһи үлэлиир.
Егор Карпов, «Саха сирэ» хаһыат, edersaas.ru