Табахтыыр дьон коронавируһунан ыараханнык ыалдьаллар...
Олох-дьаһах

Табахтыыр дьон коронавируһунан ыараханнык ыалдьаллар

Роспотребнадзор иһитиннэрбитинэн, табахтыыр дьон коронавируһунан ыараханнык ыалдьаллара биллэр. Онон табахтан аккаастанарга сүбэлээтилэр.

Чэпчэки да, ыарахан да сигарета буортута тэҥ. Өр кэм устата табахтаабыт киһи тыҥата ыарыыга бэринимтиэ буолар, искэн ыарыыта үөскүүр куттала улаатар. Учуонайдар чинчийбиттэринэн, күн аайы 10 сигаретаны тардар дьоҥҥо бүөр искэнэ табахтаабат дьоҥҥо холоотоххо, 1,5 төгүл элбэхтик үөскүүр эбит. Күҥҥэ 20 сигаретаны тардар дьоҥҥо 2 төгүл элбэхтик көстөр.

Ону тэҥэ, табахтыыр дьон тириитэ эрдэ кырдьар, мырчыстар. Инсульт үөскүүр куттала 50% улаатар, ол эбэтэр, эрдэ олохтон барыахха, эбэтэр инбэлиит буолуохха сөп.

Онон пандемия кэмигэр доруобуйаҕытын көрүнүҥ, табахтан аккаастаныҥ.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

19 − восемнадцать =