Табаһыттар уонна балыксыттар — WolrdSkills чөмпүйэнээтигэр

Ааптар: 
Бөлөххө киир:

Аллараа Халыма оройуонугар Саха сирин табаһыттарыгар уонна балыксыттарга WorldSkills чөмпүйэнээтэ саҕаланна.

Бу туһунан хотугу норуоттар Арктикатааҕы кэллиэстэрин методиһа Христина Христенко иһитиннэрдэ диэн ТАСС бэлиэтиир.

Күөн күрэс «Оленевод — механизатор», «Обработчик рыбы», «Технология содержания оленей» былаһааккаларынан ыытыллар. Күрэстэһээччилэр табаны төһө билэллэрин-көрөллөрүн көрдөрүөхтээхтэр. Ол курдук, холобур, сааһыттан саҕалаан, төһө эмистэригэр, ырыганнарыгар, харах холооһунунан көрөн төһө ыйааһыннаахтарын быһаарыыга тиийэ күрэстэһиэхтэрэ. Оскуола үөрэнээччилэрэ, устудьуоннар уонна биэнсийэлээхтэр диэн тус-туһунан категорияларынан арахсан күрэхтэһэллэр, — диэбит кини. Табалары Черскэй бөһүөлэгэр «Турваургин» көс ууһун общинатыттан аҕалбыттар. Манна өссө «Эксплуатация и обслуживание технических средств» компетенцияҕа, күрэхтэһээччилэр хаарынан айанныыр бураннарын ыытарга, өрөмүөннүүргэ сатабылларын көрдөрүөхтээхтэр.

Күрэс устуоруйатыгар аан бастаан балыгы астааһыҥҥа куоталаһыахтара. Балыгы хатырыктыахтара, сордоҥу, селедканы, тоҥ балыгы эрийиэхтэрэ (фарш оҥоруохтара), — диэбит Христенко.

Күрэс 2016 сылтан ыытыллар. Эдэр табаһыттарга норуоттар икки ардыларынааҕы күрэхтэһиини 2020 сыл муус устарга Аллараа Халыма оройуонугар тэрийэргэ былааннаабыттара. Ол эрээри, күрэс коронавирус дьаҥа туран көһөрүллүбүтэ. Арассыыйа эрэгийиэннэриттэн, Норвегияттан кэлэн табаны көлүйэргэ, маамыктаны хатыыга, туундараҕа мэдиссиинэ суһал көмөтүн оҥорууга илин-кэлин түсүһүөхтээхтэрэ. Туунадараҕа былааннаммыт күрэхтэһиигэ эспиэрдэр, Каутокейноҕа (Норвегия) табаны иитиигэ, көрүүгэ-харайыыга үөрэтэр кэллиэс устудьуоннара кыттыахтаахтар этэ диэн бэлиэтииллэр.

+1
0
+1
0
+1
0
+1
0
+1
0
+1
0
+1
0