Табаһыттар сэлэлээн хаамтылар
Олох-дьаһах

Табаһыттар сэлэлээн хаамтылар

Саха сирин табаһыттарын III, Арассыыйа табаһыттарын IV сийиэстэрин чэрчитинэн бэҕэһээ Дьокуускайга кинилэр сэлэлээн хаамыылара буолла.

Елена ПОТОЦКАЯ, «Саха сирэ» хаһыат, edersaas.ru

Табаһыттар күрэхтэһиилэрин кэнниттэн Күөх Хонууга хотугу улуустартан кэлбит дэлэгээссийэлэр сийиэс историятыгар аан бастаан сэлэлээн хаамыыга муһуннулар.  Хамаанда бэриллээтин кытта, табалар чуорааннара лыҥкыныы түстэ. Сэлээн хаамыы Чернышевскай, Кулаковскай уулуссаларынан тэнийдэ.

Эбээн норуотун маастардара, дьэ иистэнэр да буолаллар эбиттэр! Өлөөн табаһыттарын халыҥ хамаандата национальнай кыһыҥҥы таҥастарын таҥнан хаамсыбыттара — оһуобай көстүү. Илиинэн тигиллибит эр киһи харысхал бэлиэлээх кыһыҥҥы таҥаһынан сөхтөрөн, уола-хаан эдэр киһи Өлөөн улууһун дэлэгээссийэтин иннигэр уктан истэ.

Өймөкөөн улууһун муниципалитетын баһылыга Михаил Захаров салайар 12 киһилээх дэлэгээссийэтин кытта «Үчүгэй» ФГУП табаһыттара сэлэлээн хаамыстылар. Колонна иннигэр улуус гербэлээх былааҕы  90-с сылларга улууска аан маҥнай аҕыйах ахсааннаах аҕа ууһун «Мола» общинатын тэрийбит Илья Тарков уонна «Өймөкөөн оройуона» диэн бэлиэни «Үчүгэй» ФГУП бастыҥ табаһыта Александр Громов тутар чиэскэ тигистилэр.

Анатолий Добрянцев, Хотугу сир, Сибиир уонна Уһук Илин табаһыттарын Ассоциациятын бэрэсидьиэнэ.

 

 

Арассыыйа табаһыттарын сийиэһигэр кыттыбыт Коми Өрөспүүбүлүкэтин дэлэгээссийэтэ ипподромҥа ыытыллыбыт бары тэрээһиннэри олус сэргээн көрдө-иһиттэ.

Табаһыттар сийиэстэрин чэрчитинэн ыытыллар сэлэлээн хаамыыга Кэбээйи дэлэгээссийэтигэр киирсэн, Сэбээн Күөлтэн улуустарын чиэһин көмүскүү бырааттыы Коля уонна Гоша Кривошапкиннар эмиэ кытыннылар.

 

Эдэрдиин-эмэнниин суолталаах тэрээһиҥҥэ табаһыттар олус көхтөөхтүк кытыннылар.

Елена ПОТОЦКАЯ, «Саха сирэ» хаһыат, edersaas.ru

ЫСПЫРААПКА

Икки суолталаах сийиэскэ Арассыыйа 13 регионуттан, өрөспүүбүлүкэ 21 улууһуттан кэллэ. Сыл бэлиэ тэрээһинигэр 98 дэлэгээт дойду табаны иитэр регионнарыттан, 100-тэн тахса дэлэгээт өрөспүүбүлүкэ улуустарыттан кэллэ. Арассыыйа таһымнаах өрөспүүбүкэтээҕи таба бырааһынньыгын күрэхтэһиилэригэр 300 таба баара.

1
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

шесть + восемнадцать =