Куйаар ситиминэн ыытыллыбыт ситэриилээх былаас отчуотугар Нерюнгри оройуонугар олохтоохтору айылҕа, тутуу, табаны иитии, доруобуйа харыстабылын боппуруостара долгуталлар.
Ол курдук, Серебрянай Борга успуорт эбийиэгин, Беркакикка канализационнай ыраастыыр тутууну туруорустулар. Оттон Иенгра олохтоохторо бырамыысыланнас сайдар усулуобуйатыгар табаны иитиигэ көрсөр уустуктарын, көс олохтоох табаһыт хамнаһын үрдэтиини туруорустулар. Ол курдук билигин табаһыт хамнаһа 27 тыһыынча солкуобайга тэҥнэһэр эбит. Табаһыт хамнаһа сыананы сиппэтин эттилэр.
Маныаха, отчуот түмүктэниитэ, оройуон баһылыга Роман Щегольняк бырабыыталыстыба отчуотун кыттыылаахтарыгар туһаайан бу көтөҕүллүбүт боппуруостары боротокуолга киллэрэргэ көрдөстө.
Ульяна ЗАХАРОВА.
Хаартыска: СИА