Табаһыт бырааһынньыгын күрэхтэһиитигэр Виктор Лебедев иккис буолла

Ааптар: 
Бөлөххө киир:

Көҥүл тустууга Арассыыйа спордун үтүөлээх маастара Виктор Лебедев биһигин ыйаабыт Тополинайыгар буолбут национальнай многоборье күрэһэр күүһүн холонон, иккис миэстэни ылла.


Табаһыт бырааһынньыгын чэрчитинэн ыытыллыбыт күрэхтэһиигэ Виктор көлүүр табанан биир көскө куоталаһыыга, 50 м ыҥыырдаах сүүрүүгэ, уучаҕынан 100 м илин-кэлин түсүһүүгэ, маамыктаны быраҕыыга, көлүүр табанан 5 биэрэстэҕэ куоталаһыыга үчүгэй бэлэмнээҕин көрдөрөн, 28 күрэстэһээччиттэн иккис көрдөрүүлэннэ. Уонна кэлиҥҥи сылларга хотторуу хомолтотун билэ илик Григорий Замятины тилэх үктэһэн, улаханнык ыксата сырытта. Бүтэһик көрүҥ тиһэх эргииригэр эрэ Григорий ааттаах-суоллаах куотуһааччытын ситэн ылан, биэтэккэ бастакынан кэллэ.

Күрэхтэһии кэнниттэн Виктор Лебедев кыайыылааҕы эҕэрдэлээтэ уонна бэйэтин бирииһин туттарда.

Роман ПОПОВ, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0