«Таба-Яна» кэпэрэтиип племенной ыстаадалары тэрийэр

Ааптар: 
Бөлөххө киир:

Усуйаана улууһун саамай бөдөҥ хаһаайыстыбата, «Таба-Яна» кэпэрэтиип, табаны иитиигэ өрөспүүбүлүкэҕэ биир бастыҥ үлэлээҕинэн биллэр.

edersaas.ru

Бу хаһаайыстыба тыа хаһаайыстыбатын производственнай-соҕотуопкалыыр кэпэрэтиибин быһыытынан 2003 сыллаахха тэриллибитэ. Ити кэмтэн ыла табатын ахсаанын үс төгүл элбэтэн, билигин уон икки ыстааданан 20 тыһыынча табаланна. Онон, табатын ахсаанын сөптөөх кирбиигэ тиэрдэн, таба этин соҕотуопкалыыр буолла, онуоха астыыр-үөллүүр аныгы технологиянан хааччынна.


— Биһиги үлэлиир усулуобуйаны тупсарыыга утумнаахтык үлэлиибит. Ол курдук, саҥа базалары, харааллары тутабыт итиэннэ туттар тэриллэри, “Буран” көлөлөрү атыылаһабыт. Кэпэрэтиип үлэһиттэрин 35 %-на эдэр дьон. Өссө биир наар эдэрдэр үлэлиир ыстаадалара баар. Кэлиҥҥи үс сылга племенной үлэнэн күүскэ дьарыктанныбыт, билиҥҥитэ икки племенной ыстааданы тэрийдибит, — диир кэпэрэтиип салайааччыта Петр Томскай.


Таба сүтүүтүн таһаарбат, барыларын хонтуруолга тутар туһуттан кэпэрэтиип табаларыгар чип кэтэрдэр. Былырыын Арктика дьыалаларыгар судаарыстыбаннай кэмитиэт үп көрөн, кэпэрэтиип 4000  чиби атыылаһан, табаларыгар кэтэрдибитэ. Быйыл бү үлэтин салҕаан, табатын барытын чиптиир санаалаах.

Анна Сергучева, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0