Уопсастыба

Таба силиитэ, тайах уоһа «Саха сирин амтана» бэстибээлгэ күннээн эрэллэр

«Саха сирин амтана» ас-үөл бэстибээлин таһыма үрдээн иһэр.


Бэстибээли тэрийээччилэр утары уунардаах буолан,  Арассыыйаҕа уонна омук сирдэригэр ыытыллар туризм араас таһымнаах бэстибээллэригэр, куонкурустарыгар кытталлар. Ол курдук, 2016 сыллаахха  «Russian Event Awards — 2026» диэн событийнай туризм Национальнай бириэмийэтин «Гастрономическай туризм бастыҥ бэлиэ түгэнэ» диэн номинацияҕа тиксибитэ. 2018 сыллаахха Турцияҕа Стамбулга ыытыллыбыт туризм бэстибээлигэр «Туризм кэскиллээх эбийиэгэ»  бочуоттаах аакка тиксибитэ.  Онно кыттыбыт аан дойдутааҕы таһымнаах эспиэрдэртэн биирдэстэрэ, экономическай бииргэ үлэлээһиҥҥэ Евразийскай тэрилтэ үрдүкү хамыһаара, РФ Бения өрөспүүбүлүкэтин боломуочуйалаах посола Анисет Габриэль Кочофа быйылгы ас-үөл бэстибээлин бочуоттаах ыалдьыта.

Маны таһынан, бу тэрээһини сырдатаары араас омук сирин, Арассыыйатааҕы телевизионнай ханааллара кыттыыны ылаллар.

Суруналыыстар, биллэн турар, Хоту дойду амтаннаах аһын сэҥээрэн, амсайан, биэриилэри бэлэмнииллэр.

Дьокуускай куорат эрэстэрээннэрэ хотугу норуоттар астарын анаан үөрэтэн, бу күннэргэ ыалдьыттарын таба силиититтэн тайах тылыгар тиийэ күндүлүүллэр.

 

«Саха сирин амтана»  ас-үөл бэстибээлин туһунан матырыйаалы «Саха сирэ» хаһыакка сиһилии сырдатыахпыт.

Елена ПОТОЦКАЯ, «Саха сирэ» хаһыат, edersaas.ru

Хаартыскаларга ааптар түһэриитэ.

0
0

Добавить комментарий