Өрөспүүбүкэҕэ таба маассабай төрүөҕэ саҕаланна.
edersaas.ru
Ыам ыйын 7 күнүнээҕи туругунан, 13889 тугут баар буолла. Исписэлиистэр этэллэринэн, таба кыстыга этэҥҥэ ааста. Хаһаайыстыбалар сааскы хараал үлэтин түмүктээннэр, табаны төрөтөр учаастактарга көспүттэр.
Төрүөҕү Халыма хаһаайыстыбалара саҕалаатыгар, тоҕо диэтэххэ, хааргын (чукча боруода) таба эбээн табатынааҕар 15-20 хонугунан эрдэ төрүүр үгэстээх. Билиҥҥи туругунан Аллараа Халымаҕа 3604 тугут, Усуйаанаҕа 3050 тугут, Булуҥҥа 2095 тугут баар.
Бөрө быйыл сүрүннээн Алдан, Өлөөн, Эдьигээн уонна Эбээн Бытантай улуустарыгар ыырданна. Хаһаайыстыбалар бөрөнү утары охсуһууну тэрийэннэр, 220 бөрө дьууктанна, 2019 с. 218 бөрө дьакыллыбыта.
Суһал чахчынан өрөспүүбүкэ үрдүнэн бас билии көрүҥүттэн тутулуга суох бары хаһаайыстыбаларга күн бүгүн 154 тыһ. 184 таба баар, итинтэн 148 тыһ. 825 таба – тэрээһиннээх хаһаайыстыбалар бас билиилэрэ буолар диэн тыа хаһаайыстыбатын министиэристибэтин пресс-сулууспата иһитиннэрэр.
Раиса Сибирякова, «Саха сирэ» хаһыат, edersaas.ru