Дьарыктаах буолуу судаарыстыбаннай кэмитиэтэ сокуоннай саастарын ситэ илик гражданнар таба хаһаайыстыбаларыгар үлэлээһиннэрин төрдүс сылын тэрийэр.
Онон, судаарыстыбаннай тэрилтэ буолбатах юридическай сирэйдэргэ итиэннэ биирдэм тэрилтэлэргэ таба салаатыгар үлэлиир 14-18 саастаах оҕолорго субсидия көрүллэр. Субсидия кээмэйэ хамнас алын кээмэйиттэн тутулуктанан итиэннэ оройуоннааҕы коэффициент, үлэ чааһа ааҕыллан, 14-16 саастаах оҕолорго 12 280 — 16 885 солк., 16-18 саастаахтарга 17 908 — 24 624 солк. буолар. Бу сыалга быйыл 1,7 мөл. көрүллэн, 21 таба хаһаайыстыбатыгар, аҕа ууһун общиналарыгар 106 оҕо үлэлии сылдьар. Улуустарынан ыллахха, Кэбээйигэ уонна Томпоҕо 13-түү, Муомаҕа 11, Алдаҥҥа 10 оҕо сайын устата табаһыт уонна чуумсук төрөппүттэригэр көмөлөстүлэр. Аҕыйах ахсааннаах хотугу омуктар төрүт дьарыктарын сайыннарар итиэннэ эдэр ыччаты табаҕа сыһыарар туһугар кэлэр да өттүгэр өйөбүл маннык көрүҥэ баар буолуо диэн Дьарыктаах буолуу судаарыстыбаннай кэмитиэтэ иһитиннэрэр.
Раиса Сибирякова, «Саха сирэ», edersaas.ru