Таатта хомунаалынай хаһаайыстыбатын салаалара хайдах үлэлээбиттэрин манна ааҕыҥ.
“СӨ ОДьКХ” ГУП Тааттатааҕы филиалыгар учаастактар биригэдьиирдэрэ, маастардара уонна инженернэй-тэхиньиичэскэй үлэһиттэрэ кыттыылаах сүбэ мунньах буолла. Мунньахха 2020-2021 сыллардааҕы күһүҥҥү-кыһыҥҥы барыллаан түмүгү таһаардылар. Кэлэр сыл былаанын торумнаатылар.
Филиал дириэктэрэ Дмитрий Павлов иһитиннэрбитинэн, бу ааспыт кыһыҥҥы тымныы ыйдарга тэрилтэ бары салаалара улуус бары эбийиэктэрин сөптөөх сылааһынан хааччыйдылар.
2020 сыллааҕы үлэ түмүгүнэн оттугу, уоту уонна ууну ороскуоттааһыны учуоттаан, Ытык Күөл учаастагын “База” хочуолунайа кыайыылааҕынан ааттанна. Эмиэ бу учаастак “Олимпийскай” хочуолунайа иккис миэстэҕэ таҕыста. Үһүскэ – “Оскуола” хочуолунайа (Уолба). Кыайыылаахтары сыаналаах бириистэринэн наҕараадалаатылар.
“СӨ ОДьКХ” ГУП пресс-сулууспата
Бэлэмнээтэ Женни Стрюкова
Хаартыска: тустаах саайтан.