Таатталар суол саахалыгар суорума суолламмыттары кэриэстээтилэр
11.12.2017
Ахсынньы 8 күнүгэр, Мэҥэ Хаҥалас улууһугар суол быһылааныгар тоҕус киһи суорума суолламмыта, үс киһи араас эчэйиини ылбыта. Бу Тааттаҕа айаннаан испит УАЗ массыына этэ.
Соһуччу тахсыбыт иэнэ суох иэдээнтэн өрөспүүбүлүкэ дьоно улаханнык айманна, харааһынна. Бүгүн Дьокуускайга, Ленин болуоссатыгар, таатталар суол быһылааныгар суорума суолламмыт чугас дьоннорун, урууларын-аймахтарын, билэр дьоннорун, дойдулаахтарын кэриэстээн чүмэчи уматтылар, сибэкки уурдулар, бырастыылаһан саҥата суох турдулар. Хаһан да, ханна да маннык алдьархай тахсыбатыгар баҕардылар.
+1
+1
+1
+1
+1
+1
+1