Таатта Ытык Күөлүн уулуссалара кураанахтар! (Видео)

Ааптар: 
Бөлөххө киир:

Коронавирус пандемията бүрүүкээн, уһун өрөбүллэр биллэриллэн, турар-турбат бары дьиэбитигэр олоробут.

edersaas.ru

Биирдиилээн дьон тахсан,  уонча мүнүүтэ салгын сиэн киирэллэр. Онон үгүс киһи дьиссипилиинэни тутуһар. Ол эрээри Дьокуускай уулуссалларыгар дьон син баар. Соторутааҕыта батсаапка бэрт үтүө ис хоһоонноох видео кэллэ.

Таатта улууһун киинэ Ытык Күөл устун массыынанан айаннаан иһэр дьон биир да киһини көрсүбэтэхтэрин, ГИББД массыыната эрэ ааспытын кэпсииллэр.

Батсаапка бу видеоны ыыппыппар, биир социальнай үлэһит хардара оҕуста:

Оннооҕор ыттар сүппүттэр. Биһиги кырдьаҕастарбытыгар астарын ааннарын аттыгар ууран биэрэбит. Онон уулуссаҕа ыттартан куттаммакка сылдьар буоллубут. Олох биир да киһи суох. Дьон бары дьиэлэригэр олороллор.

Кырдьык да, таатталар маладьыас дьон эбит! Өрөспүүбүлүкэҕэ бэртээхэй холобуру көрдөрдүлэр.

Елена ПОТОЦКАЯ,  «Саха сирэ» хаһыат, edersaas.ru

Хаартыска (скриншот), видео — батсааптан.

+1
0
+1
0
+1
0
+1
0
+1
0
+1
0
+1
0