Бүгүн Таатта улууһугар долгутуулаах түгэн буолан ааста. Ол курдук улуус ытык кырдьаҕаһа Парасковья Петровна Яковлева 100 сааһын томточчу туолла.
edersaas.ru
Бу күн үбүлээргэ дойду Аҕа баһылыгын, Ил Дархан, улуус, нэһилиэк баһылыктарын эҕэрдэлэрэ этилиннилэр, өрөспүүбүлүкэттэн 110 тыһ. солк., улуустан 100 тыһ. солк., итиэннэ «Үйэ саас» бэлиэ туттарылынна.
@taptallaaxtaattamsonuna суруйарынан, Парасковья Яковлева Мэҥэ Хаҥалас Дьаҥхаадатыттан кийиит буолан кэлэн, оҕо-уруу тэнитэн, Тааттаны иккис дойду оҥостон, Ытык Күөлгэ Майскай уулуссаҕа олохсуйан, 60-ча сыл холкуос үлэтиттэн саҕалаан, детсад сэбиэдиссэйинэн, сүөһү көрүүтүн курдук араас күүстээх үлэни үлэлээн-хамсаан кэллэ. «1941-1945 сс Аҕа дойду Улуу сэриитигэр килбиэннээх үлэтин иһин», «Үлэ бэтэрээнэ» мэтээллэрдээх, элбэх оҕо ийэтэ буоларынан 1, 2 степеннээх уонна «Ийэҕэ Албан аат» үһүс степеннээх уордьаннардаах.
edersaas.ru
@taptallaaxtaattamsonuna матырыйаала, хаартыскалара уонна видеота туһанылынна.