Таатта улууһун Уолба нэһилиэгэр бэҕэһээ биэни тардыбыт тыатааҕыны бултаабыттара. Аны, бөөлүүн нэһилиэктэн 200 миэтэрэ чугас, иккис тыатааҕы сылдьарын бултаабыттар.
Бу туһунан нэһилиэк аҕа баһылыга Василий Рахлеев маннык кэпсээтэ:
—Бэҕэһээ, түүн бултаабыт тыатааҕыбыт улахан кыыл этэ. Кинини батыһан, кини тобоҕуттан асаһар иккис эмиэ атыыр тыатааҕы баарын көрбүппүт. Куотан хаалбыта. Биһигини бу сааскыттан ити тыатааҕылар буулаабыттарын билбиппит.
Бастаан өлүктэри батыһан сиир дии санаабыппыт биэни тардыбыта. Били, бэҕэһээ тыатааҕыттан бааһырбыт убаһаны салгыыр буоллубут. Бааһа оспот, сатаан турбат буолан эрэр. Бөөлүүн бултаабыт тыатааҕыбыт барыта үөн буолаахтаабыт эбит. Ол иһин уоттаан кэбистибит. Оттон бэҕэһээҥҥи тыатааҕыны лабораторияҕа анаалыска ыыттыбыт.
Кыыллары бултуурга бары көҥүлү, лицензияны ылбыппыт. Тыатааҕы сир аһын уонна от кэмигэр нэһилиэктэн чугас сылдьара кутталлаах.
Ульяна Захарова, edersaas.ru