Таатта улууһугар олохтоохтор баһаары утары үлэлииллэр

Бөлөххө киир:

Таатта улууһугар балаҕан ыйын 28 күнүнээҕи туругунан, Чычымах уонна Харбалаах икки ардыгар Тыытты алааска ойуур баһаара тахсан, 100-тэн тахса нэһилиэк олохтооҕо баһаары утары кыттыыны ылбыт. 

Кыйы нэһилиэгин сис тыатын, 16 биэрэстэ тэйиччи сиргэ тыалтан куотан баһаар күөдьүйэн, 45 нэһилиэк олохтооҕо уонна баһаарынай массыыналар, булууктаах МТЗ тыраахтар үлэлии сылдьалларын туһунан иһитиннэрдилэр. «Ходуһаҕа баар кэбиһиилээх оттору уот ылбатын диэн баһаарынайдар сирдэринэн үллэстэн маныыбыт», — диэн улуус баһаарынай чааһын үлэһитэ Евгений Ефимов санаатын үллэһиннэ.

Дэбдиргэттэн 20 биэрэстэ тэйиччи сиргэ 10 гектар иэннээх ойуур баһаара балаҕан ыйын 12 күнүгэр бэлиэтэммттэ. Бүгүҥҥү туругунан, тыалтан куотан, нэһилиэктэн 43 киһи тахсан баһаары утары үлэлииллэр. Улуус олохтоохторо салгын тиийбэтин, ону сэргэ оттообут отторо умайан улахан хоромньуну көрсүбүттэрин батсаап ситимигэр суруйаллар. Салгыы уопсай балаһыанньаны сырдатан иһиэхпит.

Ульяна ЗАХАРОВА, «Саха сирэ» хаһыат, edersaas.ru

Альберт Попов хаартыската.

+1
0
+1
0
+1
0
+1
0
+1
0
+1
0
+1
0