Таатта улууһун аҕа баһылыга Михаил Соров:
— Олунньу 24 күнүгэр дойду Бэрэсидьиэнэ Владмир Путин анал уурааҕынан Украина сиригэр-уотугар байыаннай дьайыылар саҕаланнылар. Ааспыт үйэҕэ Сэбиэскэй Сойууска бииргэ олорбут бырааттыы Украина бэлитиичэскэй систиэмэтэ, олохтоох былааһа тосту уларыйан, тупа өйдөнөн-санааланан НАТО-ҕа холбоһор санаалаах бу күҥҥэ диэри Арассыыйаны утары үлэни ыытан кэллэ. Бу ураты буолар быһыыга-майгыга мин Арассыыйа гражданина, Сэбиэскэй Аармыйаҕа сулууспалаабыт старшай сержант, билиҥҥинэн Арассыыйа аармыйатын офицера буолан туран, бэйэм тус санаабын үллэстэбин. Аҕа дойду сэриитин кэмигэр Украина бэйэтин иһигэр хайдыһан, арҕаа украинецтар дойдуларын хайдах таҥнарбыттарын, оттон билигин Украинаттан арахса сатыыр Донецкай, Луганскай норуодунай өрөспүүбүлүкэлэр ньиэмэс халабырдьыттарын утары хайдахатаах курдук хорсуннук сэриилэспиттэрин устуоруйа чахчылара бигэргэтэллэр.
Украина Арассыыйа бэйэтин көмүскэнэр сэбилэниилээх күүстэрин урусхаллыах, аһары баран ядернай оружиены туттуох буолан суоһурҕанар. Маны барытын көрө-истэ олорон, бэйэтин норуотун көҥүлүн көмүскүүр сыаллаах, ону сэргэ ДНР уонна ЛНР салайааччыларын көрдөһүүлэрин өйөөн, Владимир Путин билиҥҥи түгэҥҥэ сөптөөх миэрэни ылан, биһиги дойдубут утары сэриинэн дьорҕооттуур Украинаҕа анал байыаннай эпэрээссийэни саҕалаабытын сөптөөҕүнэн ааҕабын.
Ульяна ЗАХАРОВА.