Кулун тутар 25 күнүгэр Таатта улууһугар Доруобуйаны бөҕөргөтүү сылынан Ытык Күөл нэһилиэгэр тэрилтэлэр икки ардыларынааҕы спортивнай күрэхтэһии буолла. Уопсайа 12 тэрилтэ хамаанда туруоран күөн көрүстэ. Улуустааҕы киин балыыһа, Ытык Күөл оскуолалара, оҕолору чөлгө түһэрэр «Эрэл» киин, ОДьКХ о.д.а тэрилтэлэр көхтөөхтүк кытыннылар.
Сэттэ көрүҥнээх киирсии түмүгэр «Чуораанчык» ыччат хамаандата кыайыылааҕынан таҕыста уонна 10 тыһыынча суумалаах сэртипикээтинэн наҕараадаланна. Иккис миэстэҕэ ОДьКХ хамаандата, үһүс миэстэҕэ Ытык Күөл 1-кы № -дээх оскуолатын хамаандата тигистэ.
Ульяна Захарова, «Саха сирэ» хаһыат, edersaas.ru
Хаартыска «Таатта ситим» Инстаграм сирэйтэн туһанылынна.
+1
+1
+1
+1
+1
+1
+1