Вице-премьер Ольга Балабкина бүгүҥҥү брифиҥҥэ өрөспүүбүлүкэҕэ 307 055 доза вакцина кэлбитин иһитиннэрдэ.
Атырдьах ыйын 4 күнүгэр эбии 10 200 «ГамКовидВак» («Спутник V») вакцина дозата кэллэ. Бүгүҥҥү туругунан, 90,3% вакцина туттулунна. Олус уустук санитарнай-эпидемиологическай балаһыанньа Мииринэй уонна Таатта улуустарыгар бэлиэтэнэр.
Сыстыганнаах дьаҥы бохсууга олус наадалаах быһыыны ылыы тэтимэ бытаанынан Таатта улууһа бары улуустартан өрөспүүбүлүкэҕэ бүтэһик миэстэҕэ сылдьар.
Өрөбүл күннэр саҕаланнылар. Вице-премьер Ольга Балабкина элбэх дьон тоҕуоруһан сылдьар сириттэн дьалты туттан, быһыыны ылар учаастактарга тиийэргитигэр сүбэлиир.
Пандемия кэмигэр бэйэҕит доруобуйаҕытын туохтааҕар да харыстааҥ!
Елена ПОТОЦКАЯ, “Саха сирэ” хаһыат, edersaas.ru
Хаартыска — obninsk.bezformata.com