Таатта Туора Күөлүгэр олохтоохтор көҕүлээһиннэрэ көхтөөх

09.12.2020
Бөлөххө киир:

Таатта улууһун Туора Күөл нэһилиэгэ сайдыыны кытта тэҥҥэ хардыылыыр. Бу нэһилиэк олохтоох  көҕүлээһиннэри өйүүр бырагырааманан грант ылыытыгар номнуо төрдүс сылын кыттар. Баһылык Олег Осипов дьаһалынан, нэһилиэккэ сынньалаҥ зоната, киин ититиигэ холбонуу курдук үлэлэр бырайыактара ааһаннар, онуоха үбүн кыттыһан, субсидия өҥөтүнэн туһанан, күргүөмнээх үлэлэр ыытыллыбыттара.

Быйыл 2021 сыллааҕы куонкуруска нэһилиэк «Кыайыы искибиэрин» бырайыагын дьүүлгэ таһаарда. Олорор уокуруктарынан ыалынан кыттыһыы сууматын быһаарар куоластааһыны түмүктээбиттэр. Бу туһунан нэһилиэк баһылыгын солбуйааччы Любовь Ефимова сиһилии  сырдатта:

— Куоластааһыҥҥа нэһилиэнньэттэн 270 киһи кытынна. «Кыайыы искибиэрэ», «Ыччат искибиэрэ» бырайыактар куоластааһыҥҥа киирдилэр. Ол курдук «Кыайыы искибиэрин» өйүүргэ уонна тутууга 258 киһи куоластаата. Искибиэр бырайыага 20×8м иэннээх, билиитэнэн тэлгэтиллибит былаһааккалаах, олорор ыскамыайкалардаах, сырдатар лаампа уоттардаах, кирилиэстээх, умуллубат төлөн уоттаах, ытык дьоммут бэтэрээннэрбит ааттарын үйэтитэр стелалаах буолуоҕа.

Маныаха «Сэрии толоонугар охтубуттар», «Кыайыы кынаттаах эргиллибиттэр» уонна тыыл бэтэрээннэрбит ааттара, мэтириэттэрэ аныгылыы мрамор тааска үйэтийиэҕэ.  Искибиэрбит тимир күрүөлэниэҕэ. Көҕөрдүү үлэтэ  ыытыллыаҕа. Ыччаты, оҕолору, үүнэр көлүөнэни дойдуга бэриниилээх буоларга уһуйар искибиэрбит нэһилиэкпит биир киин кэрэ ытык сиринэн буолуо диэн эрэнэбит.

Ульяна Захарова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0