Таатта оҕолоро күрэхтэһиигэ бэлэмнээхтэрин көрдөрдүлэр

Ааптар: 
11.12.2020
Бөлөххө киир:
Таатта улууһугар WorldSkillsRussia «Эдэр профессионаллар» күөн күрэс «Туризм» уонна «Флористика» компетенцияларынан ыытылынна.
«Туризм» хайысхатыгар хамаандаҕа иккилии үөрэнээччи киирэн күрэхтэстэ. Кинилэр туристар интэриэстэрин хайдах тардабыт, тугунан сэҥээрдэбит диэн толкуйга киирэн үлэлээтилэр уонна күн ахсын араас күрэхтэһиилэргэ кытыннылар. Бу хайысхаҕа 14-16 саастаах оҕолор кытталлар диэн тулалыыр эйгэ харыстабылын иниспиэксийэтэ иһитиннэрбит.
«Туризм» хайысха сүүмэрдиир түһүмэҕэр, бастакы сорудаҕынан турист үлэҕинэн айан-сырыы суолун-ииһин талыы уонна ону билиһиннэрии, сырдатыы туруоруллубут. Иккиһинэн, саҥа туристическай суолу-ииһи толкуйдаан оҥоруу, бу киһини чахчы сэҥээрдэрин дакаастааһын уонна ону сырдатыы, билиһиннэрии буолбут.
Бу хайысхаҕа эспиэрдэринэн Владимир Таппыров – «Ытык Күөллээҕи литературнай-художественнай музей-заповедник» ГБТ дириэктэрэ, Людмила Прокопьева — Чычымах орто оскуолатын английскай тылга учуутала, Ольга Игнатьева – Таатта улууһунааҕы экология иниспиэктэрэ үлэлээтилэр.
Күрэс түмүгүнэн Чычымах орто оскуолатын үөрэнээччилэрэ Гуляева Галина, Барбасытова Станислава кыайыылааҕынан таҕыстылар. Призердарынан Ытык Күөл 1 №-дээх оскуолатын 10 кылааһын үөрэнээччилэрэ Нестерова Лия, Скрыбыкина Светлана буоллулар.

«Флористика» компетенцияҕак эспиэрдэринэн Ванда Никифорова — учуонай-агроном, ИП; Инна Уварова — Тааттатааҕы эдэр натуралистар ыстаансыйаларын эбии үөрэхтээһиҥҥэ педагога, «Эдэр медик» куруһуок салайааччыта уонна Феврония Андросова — Чычымах орто оскуолатын эбии үөрэхтээһиҥҥэ педагога буоллулар.

Бу хайысхаҕа кыттыбыт оҕолор үс сорудаҕы толордулар. Ол курдук, эдэр флористар ураты кэрэ букеты, декоративнай композицияны оҥордулар, бэлэҕи хайдах толкуйдаан бэлэмниири көрдөрдүлэр. Манна кыттыбыт үөрэнээччилэр бары сорудахтары олус табыллан, бэркэ толордулар.

Түмүккэ 1 миэстэни Прокопьева Аэлита (Туора Күөл орто оскуолатын үөрэнээччитэ), 2 миэстэни Жараева Нелли, Глуяева Галина (Чычымах), 3 миэстэни Васильева Виктория ыллылар.

Күрэхтэһии олус интэриэһинэйдик ааспыт. Аныгыскы сырыыга оҕолор өссө үчүгэй бэлэмнээх кыттар баҕалаахтарын биллэрбиттэр. Ох курдук оҥостон, бэлэмнэнэн кыттыбыттар диэн СӨ Экология министиэристибэтин пресс-сулууспата бэлиэтиир. Маннык күрэстэр кэнчээри ыччакка билиилэрин-көрүүлэрин хаҥаталларыгар тирэх буолалларын ыйар.

+1
0
+1
0
+1
0
+1
0
+1
0
+1
0
+1
0