Таатта улууһун Харбалааҕар, Чычымаҕар, Чымынаайытыгар оптика утаҕа тардыллар буолла.
edersaas.ru
Бүгүн улуус баһылыга М.М. Соров Уһук Илин эрэгийиэнигэр киэҥник биллэр «Импульс» холбоһук генеральнай дириэктэрэ Георгий Тирону кытары көрсөн, нэһилиэнньэлээх пууннарга оптоволокно утаҕын холбуур туһунан кэпсэтиини ыытта. Санатан эттэххэ, улуус дьаһалтата «Импульс» тэрилтэни кытары ааспыт сылтан үлэлэһэр. Ол курдук былырыын федеральнай трасса кытыытыгар турар нэһилиэктэр оптикаҕа холбоммуттара. Билигин оптика ситимэ бастакынан Харбалаахха, Чымынаайыга, Чычымахха тардыллыаҕа. Сүрүн үлэ кулун тутартан саҕаланара былааннанна. Салгыы сибээс ситимэ Баайаҕаҕа, Игидэйгэ, Туора Күөлгэ, Уус Тааттаҕа тардыллыаҕа.
Бэй. инф., edersaas.ru
+1
+1
+1
+1
+1
+1
+1