«Якутскэнерго» ПАУо киин электрическэй ситимин Тааттатааҕы РЭС энергетиктэрэ, ойуур баһаарыттан эмсэҕэлээбит уот ситимин чөлүгэр түһэрии үлэлэрин салгыыллар. Бу туһунан киин электрическэй ситим пресс-сулууспата иһитиннэрэр.
Бэс ыйын 29 күнүгэр, 16 ч.28 мүн. ойуур баһаарыттан сылтаан, уоту биэрэр тэрилгэ уонна туһанааччыларга куттал суох буолуутун хааччыйар туһуттан, 35 кВ Л-47 «Уолба — Уус Таатта» үрдүк күүрүүлээх магистральнай линияҕа күһэллииттэн хааччахтааһын оҥоһуллубута. Уот барар ситимин (ЛЭП) трассатын көрүүгэ П-быһыылаах тирээбил уокка хоруора сиэммитэ булуллубута.
Тааттатааҕы РЭС биригээдэтэ тута үлэҕэ тахсыбыта. Анал тиэхиньикэнэн биригээдэ хоруорбут тирээбили уларытан, хааччахтааһыны устан, уот бэриллиитин бастайааннай схематын чөлүгэр түһэрдэ.
Билиҥҥи туругунан Мэҥэ Алдан сэлиэнньэтин олохтоохторо уота суох олороллор. Энергетиктэр биригээдэлэрэ суһал быһыыны-майгыны мониторинныыллар, кэтээн көрүү үлэтин салгыыллар.
ЫБММ Саха сиринээҕи сүрүн управлениета Томпо уонна Таатта кыраныссатыгар ойуур баһаара буола турарын, уот үөһээнэн федеральнай суол устун барара бэлиэтэнэрин иһитиннэрэр. Ыксаллаах быһыы-майгы үөскээбитинэн уонна буруо хойуутунан, «Халыма» федеральнай суолунан айан быстах кэмҥэ тохтотуллан турар.
+1
+1
+1
+1
+1
+1
+1