От ыйын 27 күнүгэр Таатта улууһун баһылыга Михаил Соров өрөспүүбүлүкэ Ил Дархана Айсен Николаевтыын көрүстэ.
Кинилэр Таатта улууһун инники сайдыытын уонна 2025 с. буолуохтаах » Манчаары оонньууларыгар» бэлэмнэнии туһунан кэпсэттилэр. Бастатан туран, улуус баһылыга эпидемиологическай балаһыанньаны билиһиннэрдэ, ону сэргэ, ойуур баһаардарын туһунан кэпсээтэ. Ол курдук, Таатта улууһугар 6 баһаартан түөрдэ умуруоруллубутун , ону сэргэ Уус Таатта чугаһыгар баар баһаарга бары күүс ууруллубутун иһитиннэрдэ. Ил Дархан национальнай бырайыактар, чуолаан, Кыйы нэһилиэгэр тутулла турар оскуола уонна оҕо саадын туоһуласта. Бу икки улахан эбийиэктэри Ил Дархан тус бэйэтэ хонтуруоллаан, көрөн- истэн барбыта. Ону сэргэ, «хаачыстыбалаах суол» национальнай бырайыагыган Баайаҕа нэһилиэгин суола оҥоһулла сылдьарын кэпсээтэ.
Ульяна Захарова.
+1
+1
+1
+1
+1
+1
+1