Тааттаҕа суолу оҥорооччулар күнүстэри-түүннэри үлэлииллэр

Ааптар: 
Бөлөххө киир:

Бэҕэһээ Таатта улууһун Уолба уонна Томпо улууһун Мэҥэ Алдан икки ардыларынааҕы суол алдьанан эрэрин туһунан видео тарҕаммыта. Онуоха Мэҥэ Алдан Биир кэлим дьуһуурунай-диспетчер сулууспата Таатта улууһун суол оҥорооччулара күнүстэри-түүннэри үлэлии сылдьалларын туһунан эппитэ.

Бүгүн Таатта улууһун баһылыга Михаил Соров маннык хоруйдаата:

Тааттаҕа, уопсайынан, илин эҥэргэ даҕаны бу күннэргэ күүстээх ардах түстэ. Чаҕылҕантан ыал тэлэбиисэрэ кытта умайда. Былырыын Амма уонна Таатта икки ардыгар баар сис тыа балысханнык умайан, тыа чэҥэ ирэн, онно эбии бу дохсун ардахтар эбэннэр, буор хайаттан кирдээх уу киирдэ. Ону туоратыыга “Тааттаавтодор” тэрилтэ үлэлии сылдьар, онон федеральнай суол аһаҕас. Билиҥҥи туругунан уонча тиэхиньикэ (самосвал, экскаватор ), сүүрбэччэ киһи күнүстэри-түүннэри үлэлиир.

Бэлэмнээтэ Женни Стрюкова

Хаартыска: Интэриниэттэн

+1
0
+1
0
+1
0
+1
0
+1
0
+1
0
+1
0