Таатта улууһугар бүгүн, кулун тутар 2 күнүгэр, Олоҥхо күнүн бэлиэтииллэр.
Бу туһунан Таатта улууһун култууратын салайааччыта Гаврил Вырдылин санаатын үллэһиннэ:
— Биһиэхэ, Таатта улууһугар, Олоҥхо күнэ 2004 сылтан бэлиэтэнэр. Онтон ыла улууспутугар бу күн үгүс тэрээһиннэр ыытыллаллар. Олоҥхо култуураҕа, үөрэҕириигэ онтон да атын эйгэлэргэ киирэн эрэр. Ол көрдөрүү ордук биһиги олоҥхоһуттарбыт уонна фольклору тарҕатааччыларбыт ситиһиилээхтик кытталларыгар көстөр. Бу күн мин санаабар хас биирдии улууска бэлиэтэниэхтээх. Олоҥхо биһиги сахалар чыпчаал айымньыбыт буолар. Сахам дьонун Тааттаҕа бэлиэтэнэр олоҥхо күнүнэн эҕэрдэлиибин.
Ульяна Захарова, edersaas.ru
Хаартыска Г. Вырдылин тиксэриитэ
+1
+1
+1
+1
+1
+1
+1