Маны аах Уопсастыба Успуорт

Тааттаҕа Манчаары оонньууларын кыттыылаахтарын чиэстээтилэр

От ыйын 17 күнүгэр Былатыан Ойуунускай аатынан Таатта норуодунай тыйаатырыгар XXI Манчаары оонньууларын чөмпүйүөннэрин, призердарын уонна тириэньэрдэри чиэстээтилэр.

Бу тэрээһиҥҥэ улуус дьаһалтата 1 миэстэни ылбыттарга 70 тыһ. солк., 2 миэстэни ылбыттарга  50 тыһ. солк., 3 миэстэлээхтэргэ  30 тыһ. солк. туттарда. Оттон тириэньэрдэргэ эмиэ харчынан наҕараадалаатылар. Манчаары оонньууларын 2 төгүллээх чөмпүйүөнэ, Дыгын оонньууларын 2 төгүллээх призера Николай Матаннанов улуус баһылыга Михаил Соров аатыттан убаһа бэлэх туттарда.

Бэлиэтээн эттэххэ, Таатта хамаандата  намнартан биир очукуонан хаалан,  4 миэстэ буолбута. 23 мэтээли улууһугар аҕалбыта, ол иһигэр  6 кыһыл көмүс, 8 үрүҥ көмүс, 9 боруонса мэтээли.

 

Ульяна Захарова, edersaas.ru

0
0