Таатта улууһуттан аҕыс эдэр ийэ Дьокуускайга перинатальнай кииҥҥэ сытан, коронавирус дьаҥар хаптарыыга уорбаланар киһилиин хантаактаспыттарын туһунан улуус суһал ыстааба иһитиннэрдэ.
Муус устар 20 күнүгэр эдэр ийэлэр коронавируска уорбаламмыт үлэһити кытта алтыспыттар. Бүгүҥҥү күҥҥэ кинилэр бары анаалыс туттарбыттар. Түмүгэ биллэ илик.
Маны таһынан, Таатта улууһугар өрөспүүбүлүкэ таһыттан кэлбит 11 киһи дьиэҕэ хааччахтаныы эрэсиимин тутуһан олороро этилиннэ. Ону сэргэ, хантаактаах киһини кытта алтыспыт 48 киһи эмиэ хааччахтаныы эрэсиимин тутуһалларын уонна анаалыс туттарбыттарын ыстааптан иһитиннэрдилэр.
Ульяна Захарова
+1
+1
+1
+1
+1
+1
+1