Тааттаҕа «Мой бизнес» киин арылынна

Бөлөххө киир:

Бэҕэһээ, сэтинньи 13 күнүгэр, Таатта улууһугар «Мой бизнес» киин арылынна. Бу өрөспүүбүлүкэҕэ 14-с киин буолар диэн СӨ Урбааҥҥа министиэристибэтин пресс-сулууспата иһитиннэрэр.

Бу киин «Дьоҕус уонна орто урбаан, урбаанньыттар көҥүлээһиннэрин өйүүр»  национальнай бырайыак чэрчитинэн арылынна. Үөрүүлээх арыллыыга Таатта улууһун баһылыга Михаил Соров, «Мои документы» сэбиэдиссэйэ Наталья Корякина, Таатта улууһун баһылыгын солбуйааччы Константин Мончурин, «Мой бизнес» салаатын салайааччы Марианна Мосоркина кыттыыны ыллылар.

«Өҥөнү оҥорор киин наадалаах уонна оройуон урбаанньыттарын өйүүргэ тирэх буолуоҕа», — диэн баһылык Михаил Соров эттэ.

Маннык кииннэр Алдаҥҥа, Аммаҕа, Бүлүүгэ, Горнайга, Мэҥэ Хаҥаласка, Мииринэйгэ, Нерюнгрига, Ньурбаҕа, Сунтаарга, Өлүөхүмэҕэ, Тааттаҕа, Уус Маайаҕа уонна Дьокуускайга бааллар.

edersaas.ru

+1
0
+1
0
+1
0
+1
0
+1
0
+1
0
+1
0