Тааттатааҕы Суһал штаб улууска коронавирус балаһыанньатын туһунан иһитиннэрэр

Таатта улууһугар коронавирус дьаҥа тарҕаныытын утары үлэлиир Суһал штаб иһитиннэрбитинэн, от ыйын 14 күнүнээҕи туругунан инфекционнай балыыһаҕа 12 киһи эмтэнэр, онтон иккитэ Дьокуускайга баар. Провизорнай отделениеҕа 12 киһи сытар. Куорат балыыһатыгар бу дьаҥтан биир киһи олохтон туораабыт.

Нэһилиэктэринэн ыалдьыбыт дьон ахсаана:

Ытык Күөлгэ — 28;

Даайа Аммата — 3;

Чөркөөххө — 2;

Кыйыга — 3;

Игидэйгэ — 2;

Чычымахха — 2;

Туора Күөлгэ — 1.

Уопсайа ыалдьыбыт киһи ахсаана — 41 киһи. Онтон 30-а үтүөрбүт.

Дьиэҕэ 61 киһи бэйэни хааччахтанан олорор, түөрт киһи обсерваторга баар.

Маны сэргэ, от ыйын 13 күнүттэн өрөспүүбүлүкэ сүрүн бырааһын уурааҕынан, тэрилтэлэр мэдиссиинискэй көрдөрүнүүлэрэ анал кыраапыгынан ыытыллыаҕа. Бары ирдэбили тутуһан, эрдэттэн суруттарыы быһыытынан улуус киинигэр көрдөрүөхтэрэ.

Ульяна Захарова, edersaas.ru