Таастаахха доброволецтар этэрээттэрэ уонна байыаннай тиэхиньикэ тиийдэ
Нам улууһун Таастаах нэһилиэгэр турбут уот ордук уустук быһыыны-майгыны үөскэтэр.
Онон бэҕэһээ киэһэ доброволецтар этэрээттэрэ уонна Аллараа Бэстээххэ тимир суолунан кэлбит байыаннай тиэхиньикэ барда.
Холуоннаны бырабыыталыстыба бастакы вице-премьерэ Дмитрий Садовников салайан илтэ. Таастаахха араас тэрилтэлэртэн, биэдэмистибэлэртэн түмүллүбүт 150 доброволец, ЫБММ байыастара үс массынанан уонна түөрт бронетранспортёр — МТ-ЛБ тягачтар тиийдилэр. Байыаннай тиэхиньикэ минерализованнай балаһалары оҥорууга туһаныллыаҕа. Бу туһунан Ил Дархан уонна бырабыыталыстыба пресс-сулууспата иһитиннэрэр.
Раиса Сибирякова, «Саха сирэ», edersaas.ru
+1
+1
+1
+1
+1
+1
+1