2020 сылга «2020 — 2025 сылларга тыа сирин биир кэлим сайдыыта» судаарыстыбаннай бырагыраама чэрчитинэн өрөспүүбүлүкэҕэ тыа сиригэр олорор, үлэлиир 62 дьиэ кэргэн олорор усулуобуйаларын тупсарыыга көмө ылыахтара.
edersaas.ru
Владимир Макаров, улуус тыа хаһаайыстыбатын управлениетын салайааччыта:
— Өрөспүүбүлүкэ тыатын хаһаайыстыбатын министиэристибэтэ иһитиннэрэринэн былырыын бу бырагырааманан өрөспүүбүлүкэҕэ 433 дьиэ кэргэн көмөнү туһаммыт буоллаҕына, быйыл 51 дьиэ кэргэн көмөнү ылыаҕа.
Быйыл 69,7 мөлүйүөн солкуобай көрүллүбүт. Ол эбэтэр, 2019 сылга тэҥнээттэххэ, былырыын көрүллүбүт үптэн 8,5 төгүл кыра.
Биһиги улууспутугар бу бырагырааманан Таастаах нэһилиэгэр, уопсайа 200 кв.м иэннээх, 3 дьиэ тутулла турар. Үбүлээһин федеральнай, республиканскай уонна улуус бюджетыттан көрүллэн тутуу үлэтэ саҕаламмыта уонна дуогабар быһыытынан бу сыл бүтүүтэ түмүктэниэхтээх.
Тутуу үлэтин «КСК Лидер» ХЭТ ыытар.
«Нам улууһа» МТ пресс-сулууспата
+1
+1
+1
+1
+1
+1
+1