«ТААС-ҮРЭХ НЕФТЕГАЗОДОБЫЧА» 733 ТЫҺЫЫНЧА БЫРАҤААТТА ЫАМАТЫН ЫЫТТА

Бөлөххө киир:

Өрөспүүбүлүкэҕэ үлэлиир бырамыысыланнас үгүс хампаанньалара тулалыыр эйгэни харыстааһыҥҥа тиһиктээх үлэни ыыталлар. Ол курдук, «Роснефть» ньиэп хампаанньатын алын сүһүөх тэрилтэтэ – «Таас-Үрэх Нефтегазодобыча» бу күннэргэ Мииринэй оройуонугар Аанньаах үрэххэ (Ахтараҥда өрүс салаата) быраҥаатта 733 тыһыынча ыаматын ыытта.

Чернышевскайдааҕы балык собуотугар балыгы үөскэтиигэ, дэлэтиигэ кэлиҥҥи сылларга үлэ күүскэ ыытыллар. Ол курдук, «Таас-Үрэх Нефтегазодобыча» хампаанньа со­­буокка балык ыаматын сакаастаан, Аанньаах үрэххэ бу күннэргэ ыытта.

3-4 мм улааппыт балык ыамаларын өрүскэ, үрэххэ ыытыы саамай эппиэтинэстээх түгэн. Исписэлиистэр уу, салгын темпуратуратын кээмэйдииллэрин таһынан, уопсайа төһө ыйааһын­наах балык ыаматын ыыппыттарын көрөллөр. Балыктар салгыы айылҕаҕа олохсуйалларын ситиһэр сыалтан. Алта ыйы быһа кинилэр Бүлүү өрүстэн ылыллыбыт ууга иитиллэллэр. Онон улаатар-үөскүүр эйгэлэрэ чугас.

Быраҥаатта ыамаларын ыытыы быйылгы тэрээһинигэр «Таас-Үрэх Нефтегазодобыча» салайааччылара уонна эрэгийиэннээҕи су­­даарыстыбаннай былаас уорганнарын бэ­­рэстэбиитэллэрэ кыттыыны ыллылар.

– Биһиги номнуо хаһыс да сылбытын Чернышевскайдааҕы балык собуотун кытары үлэлиибит. Маннык тэрээһиннэри сыллата ыытабыт. Собуоту кытары сэттэ сылы быһа бииргэ үлэлээһиммит түмүгэр Бүлүү водохранилищетыгар 3,2 мөлүйүөн быраҥааттаны ыыттыбыт, – диэн хампаанньа генеральнай дириэктэрин бырамыысыланнай куттал суох буолуутугар солбуйааччыта Николай Гущин кэпсээтэ.

«Таас-Үрэх Нефтегазодобыча» «Роснефть» социальнай эппиэтинэстээх буолуутун бэлиитикэтигэр олоҕуран, экологическай куттал суох буолуутугар, тулалыыр эйгэни харыстааһыҥҥа улахан болҕомтотун уурар. Тэрилтэ үлэһиттэрэ көҕөрдүү үлэтигэр, сири-уоту ыраастааһыҥҥа көхтөөхтүк кытталларын таһынан, Бүтүн Арассыыйатааҕы «Зеленая Весна», «Чистые берега» субуотунньуктарга өрүү кытталлар.

Маны таһынан, тэрилтэ Саха сиригэр ойууру чөлүгэр түһэриигэ араас тэрээһиннэри ыытар. Бу сылга Ленскэй оройуонугар 100 гектар иэннээх сиргэ 200 тыһыынча маһы олордор былааннаах.

Тулалыыр эйгэни харыстааһыҥҥа, «Роснефть-2022» стратегия иитинэн, «Таас-Үрэх Нефтегазодобыча» экологическай тэрээһиннэри, бырагыраамалары киэҥ да­­лааһыннаахтык ыытар.

edersaas.ru

+1
0
+1
0
+1
0
+1
0
+1
0
+1
0
+1
0