Чох хостооһунун салаата сайыннаҕына 100 тыһыынча кэриҥэ үлэ миэстэтэ тахсыан сөп. Маннык сыаналааһыны «Ленский клуб» киин уочараттаах сүбэ мунньаҕар АКРА ыстаарсай дириэктэрэ Максим Худалов иһитиннэрдэ.
Ол курдук чоҕу хостооһун бырамыысыланнаһа Саха сирин соҕуруу эҥээригэр сайдар кэскиллээх. Бу сылга чоҕу хостооһун былаанын икки төгүл элбэтэр сорук турар. Бэлиэтээн эттэххэ, РФ бэрэсидьиэнэ Владимир Путин СӨ Ил Дархана Айсен Николаев БАМ илиҥҥи учаастагын кэҥэтэр туһунан этиитин өйөөбүтэ уонна «Арассыыйа тимир суоллара» ААУо генеральнай дириэктэрэ Олег Белозеровка өрөспүүбүлүкэ тус санаатын учуоттууругар сорудахтаабыта.
Ыспыраапка: «Ленский клуб» — Арктика уонна Уһук Илин сайдыытын үөртэр сыаналыыр, анаарар киин. Бу кулууп 2019 с. Ил Дархан Айсен Николаев көҕүлээһининэн тэриллибитэ.
Ульяна Захарова, edersaas.ru