СӨ Бырабыыталыстыбатын Бэрэссэдээтэлин солбуйааччы Алексей Колодезников быһа сибээһинэн отчуоттуур кэмигэр уматыгы тиэрдии туһунан ыйыттылар.
Орто Халыма улууһуттан ыраах айаҥҥа таһаҕаһы таһыынан дьарыктанар Сергей Арктика улуустарыгар таараламмыт уматык уонна чугастааҕы сылларга саҥа АЗСтары тутуу туһунан ыйытта.
— Уустук айаннаах, АЗС суох нэһилиэнньэлээх пууннарга, Орто Халымаҕа, таараламмыт уматыгы тиэрдэбит. Таараламмыт уматыгы өссө 2014 сыллаахха оҥорон саҕалаабыппыт. Олохтоох дьаһалталартан киирбит сайаапкаларынан уматыгы нэһилиэнньэлээх пууннарга тиэрдэбит. Бу бырайыак үлэлиирэ биһиэхэ улахан суолталаах. Нэһилиэнньэ ирдэбилин хааччыйабыт, үлэни салгыы ыытабыт, — диэн Алексей Колодезников этэр.
АЗС тутуута салҕанар эрээри, олус элбэҕэ суоҕун ыйар. Кини маны ыраах сытар нэһилиэнньэлээх пуннарга баар АЗСтары үлэлэтии ороскуоттааҕын, бу уматык сыанатыгар дьайарынан быһаарар. Онон нэһилиэнньэни таараламмыт уматыгынан хааччыйыы мэхэниисимэ суолталааҕын этэр.
Людмила ПОПОВА, “Саха сирэ” хаһыат, edersaas.ru
Хаартыска: yakutia24.ru