Таҥас мээрэйдэнэ киирэн баран…

Ааптар: 
Бөлөххө киир:

Атыы-эргиэн кииннэригэр, маҕаһыыннарга уоруу тахсыбатын курдук кэккэ миэрэлэри ылаллар. Ол да буоллар, «баҕар, мүччү туттаран, ылан тахсаайабын» диэн эрэл санаалаах холонон көрөөччүлэр бааллар эбит.

edersaas.ru

Дьокуускайга. Киин куорат полициятын 2 №-дээх отделын дьуһуурунай чааһыгар таҥас маҕаһыынын дириэктэриттэн сайабылыанньа киирбит. Таҥас алта көрүҥүн уорбуттарын туһунан.

Уорбаланааччы тутуллубут — 50 саастаах дьахтар эбит.

Бу дьахтар бэйэтигэр куурка уонна обургу оҕоҕо сөптөөх таҥастары ылан, таҥас мээрэйдэнэр кабинкаҕа киирбит. Уонна онно киирэн, уорбут таҥастарын суумкатыгар кистээбит.

Сол курдук тугу да билбэтэх-көрбөтөх буолан тахсан барыах киһини маҕаһыын харабыла уорбалаан тохтоппут, полицияны ыҥырбыт.

Горнайга. Атыы-эргиэн дьиэтигэр уоруу тахсыбыт.

Оперативниктар суһал-ирдиир тэрээһиннэр кэмигэр бу уорууга уорбаланааччыны туппуттар — урут сууттана сылдьыбыт 27 саастаах киһини.

Уоруйах маҕаһыыҥҥа киирэн, прилавоктан куурка уонна кроссовка ылан, таҥас мээрэйдэнэр кабинкаҕа киирбит. Онно киирэн, уорбут таҥастарын үрүксээгэр уктубут уонна ким да суоҕун кэтээн көрө туран, тоҕоостоох түгэҥҥэ тахсан барбыт.

Бу чахчыларынан «уоруу» ыстатыйанан холуобунай дьыалалар тэриллибиттэрин туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0