Таһаҕаһы тиэйии тэтимнээх

Ааптар: 
Бөлөххө киир:

Саха сирэ кыһыҥҥы суолунан таһаҕаһы тиэйии былаанын 60% тахсатын толордо.

Билигин Саха сиригэр массыынанан 506 тыһыынча туонна олоҕу-дьаһаҕы хааччыйар таһаҕас таһылынна, ити былаантан  62,4% тэҥнэһэр. Бу туһунан бастакы вице-премьер Дмитрий Садовников ыыппыт сүбэ мунньаҕар нэһилиэнньэ олоҕор-дьаһаҕар куттал суох буолуутун хааччыйыыга судаарыстыбаннай кэмитиэт бэрэссэдээтэлэ Дмитрий Лепчиков иһитиннэрдэ.

Кыһыҥҥы 2021/2022 кэмҥэ Саха сирин ыраах сытар нэһилиэнньэлээх пууннарыгар ас-үөл бородууктата, таас чох, ньиэп бородууктата уонна да атын олоҕу хааччыйар таһаҕас тиэрдиллэр. Уопсайа 812 тыһ. туонна таһаҕаһы тиэйии былааннаммыта. Таһар үлэҕэ 791 тиэхиньикэ үлэлиир.

2022 сыллааҕы навигацияҕа Бүлүү өрүскэ кыра уу күүтүллэр уонна Бүлүүтээҕи ГЭС-тэн уу ыытыллыбат.  Онон сибээстээн өрөспүүбүлүкэ Бырабыыталыстыбата 2021-2022 сыллааҕы кыһыҥҥы кэмҥэ Бүлүү умнаһынааҕы оройуоннарга оттук-уматык ресурсаларын тиэйиигэ атын барылы торумнуур.

Ол курдук, Өлүөхүмэҕэ таас чоҕу Кэмпэндээйитээҕи чох разреһыттан тиэйиэхтэрэ. Дмитрий Садовников маны сэргэ Дьабарыкы Хайа таас чохтоох разреһа таас чоҕу хостооһуҥҥа уонна мунньууга туруктаахтык үлэлиирин хааччыйарга сорудахтаата.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Хаартыска: тустаах саайтан

Бэлэмнээтэ Женни Стрюкова

+1
0
+1
0
+1
0
+1
0
+1
0
+1
0
+1
0