Бу күннэргэ ойбоҥҥо киирэн сөтүөлүүр дьоҥҥо эмчиттэр кэккэ сүбэлэри биэрэллэр.
edersaas.ru
Муустаах ууга сөтүөлээһин киһиэхэ барытыгар туһалаах буолбатах. Холобур, сүрэх-тымыр ыарыылаах, хааннарын баттааһына уларыйар, аритмиялаах, бүөр, күөмэй, мурун ыарыылаах, астмалаах, саахарынай диабеттаах дьоҥҥо кутталлаах. Кинилэр тымныы ууга түһүө суохтаахтар.
-Ойбоҥҥо киириэх иннинэ, эти-сиини сылытан, кыратык сүүрэ түһэн ылыллар;
— Атаҕыҥ таҥаһа бэйэҕэр табыгастаах, халтырыйбат буолуохтаах;
-Төбөнү инчэппэккэ, моойгор эрэ диэри киир;
— Төбөҕүтүн муустаах ууга уга сатааман, ордук саастаах дьоҥҥо кутталлаах. Төбө тымыра эмискэ кыараан, киhи инсуллууон сөп;
— Этиҥ-сииниҥ бүтүннүү тоҥмотун наадатыгар ойбоҥҥо биир мүнүүтэттэн уһаама;
—Термоска кутуллубут итии чэйдэ ис;
-Сөтүөлээн баран, кураанах таҥаһы таҥна охсон баран, түргэнник сылаас сиргэ киирэ сатаа;
-Үлүйүү бэлиэлэрин биллэххинэ, итии чэйдэ ис, суорҕанынан эбэтэр сылаас таҥаһынан бүрүн уонна медицинскэй көмөнөн туһан. Биллэн турар, сөтүөлүөҥ иннинэ да, үлүйүү бэлиэлэрэ баар буоллахтарына да, арыгылаах утаҕы иһимэ.
Сэрэхтээх буолуҥ!
Надежда ЕГОРОВА, “Саха сирэ” edersaas.ru