Үүт уонна уу маркировкатыгар ирдэбил сымнаата

Ааптар: 
Бөлөххө киир:

Бырабыыталыстыба 2023 сыл ахсынньы 1 күнүгэр диэри фермерскэй хаһаайыстыбаларга уонна тыа хаһаайыстыбатын кэпэрэтииптэригэр үүт бородууксуйатыгар булгуччулаах маркировканы киллэриини тохтотто. Маннык уураахха Бырабыыталыстыба бэрэссэдээтэлэ Михаил Мишустин илии баттаата.

Онон урбаанньыттарга маркировканы киллэриигэ омук тэрилин уларытарга бириэмэ баар буолуоҕа. Бу иннинэ үлэлээбит бэрээдэк быһыытынан үүт бородууксуйатын фермердэр 2022 сыл ахсынньы 1 күнүттэн булгуччу маркировканы саҕалыахтаахтара.

Маны сэргэ 2023 сыл ахсынньы 1 күнүгэр диэри бэйэлэрин наадаларыгар үүтү эбэтэр бытыылкалаах ууну атыылаһар уопсастыбаннай аһылык тэрилтэлэрэ, үөрэх тэрилтэлэрэ, дьыссааттар уонна балыыһалар маркировка мониторинын ситимигэр булгуччу иһитиннэрии ыытартан босхолоноллор.

Өссө биир миэрэ ас-үөл маҕаһыыннарыгар сыһыаннаах. 2022 сыл балаҕан ыйын 1 күнүгэр диэри кинилэр атыылаабыт үүт бородууксуйаларын, оттон 2023 сыл кулун тутар 1 күнүгэр диэри – бытыылкалаах уу туһунан маркировка мониторинын ситимигэр иһитиннэриини аны биэрбэттэр.

РФ Бырабыыталыстыбатын саайтыттан

Бэлэмнээтэ Женни Стрюкова

Хаартыска: тустаах саайтан

+1
0
+1
0
+1
0
+1
0
+1
0
+1
0
+1
0