Үүт сыанатын үрдэтэри былаанныыллар

Бөлөххө киир:

Сааҥсыйа кэмигэр Саха  сирин  оҥорон таһаарааччылара  аһынан-үөлүнэн биһигини хааччыйыа дуо? Сыана хайдах буолуой? Ынах арыыта атыыга дэлэйиэ, сыаната чэпчиэ дуо? Үгүс дьону долгутар сүрүн боппуруостар тустарынан бэҕэһээ, кулун тутар 14 күнүгэр, «Саха» НКИХ «Талбан» биэриигэ тыа хаһаайыстыбатын миниистирэ Александр  Атласов уонна министиэристибэ тутаах үлэһиттэрэ  кэпсээтилэр.

Саха сиригэр  саҥа мэхэньиисим киириэҕиттэн, ынах төбөтүгэр 35 тыһыынча солкуобай  көрүллэр буолбута. Бу ньыма үлэлээбитэ номнуо иккис сылыгар барда. Үүт, эт, сыанатын, оҥорон таһаарыы уонна бурдук үүнүүтүн туһунан кэпсэтии  олус сэргэхтик ааста. Оҥорон таһаарыы кыһалҕатын хайдах быһаарыахха сөбүй? Үүтү тутуу, оҥорон таһаарыы, ас-үөл сыанатын туһунан Тыа хаһаайыстыбатын миниистирэ Александр Атласов маннык кэпсээтэ:
Өрөспүүбүлүкэбит Ил Дархана Айсен Николаев дьаһалынан суһал ыстаабы кытта биһиги министиэристибэбит мунньахтаата. Ол курдук, сааҥсыйаҕа оҕустарбат гына, эрдэттэн дьаһаныы, олохтоох аһынан-үөлүнэн хааччыллыы туһунан кэпсэттибит. Ити мунньахха Айсен Сергеевич үүт харчытын үрдэтии туһунан эппитэ. Онон бу күннэргэ тустаах дьаһал тахсыахтаах. Былырыын биһиги үүккэ 50 тыһыынча туонна үүтү ылыы туһунан сорук туруорбут эбит буоллахпытына, быйыл ити сорукпутун улаатыннаран 62 тыһыынча туоннаҕа диэри үрдэттибит. Маны сэргэ, бэйэ дьарыктаах буолуу диэн саҥа хайысханы киллэрэри былаанныыбыт. Былырыыҥҥыттан үүт аһылыгы маркировкалааһын киирбитэ. Саҥа ньыма сүрүн соруга – дьону түмүү буолар. Балар кэпэрэтииптэри тэрийэн түмсүүлээхтик үлэлииллэригэр нэһилиэк, улуус баһылыктара ситимнээхтик үлэлиэхтээхтэр. Саҥа тэриллэр кэпэртииптэргэ хотон тутуутугар граннар бэриллэн, усулуобуйаны миэстэтигэр тэрийии туһунан үлэ барыахтаах.

Салгыы «Талбан” биэрии устуутугар көрүҥ.

«Талбан» биэриигэ: Бэйэ аһынан хааччыллыыга саҥа соруктар (14.03.22)

Ульяна ЗАХАРОВА.

+1
0
+1
0
+1
0
+1
0
+1
0
+1
0
+1
0