Дьокуускай куорат 6 №-дээх орто оскуолатын үөрэнээччилэрэ «Милосердие» үтүө санааланыы акциятыгар кытыннылар. Бу туһунан «Тэрчи» дьиэ кэргэни өйүүр киинтэн уонна Дьокуускай куорат дьаһалтатын пресс-сулууспатыттан иһитиннэрдилэр.
Үтүө санааланыы акциятыгар оскуола алын сүһүөх кылааһын оҕолоро уонна кинилэр төрөппүттэрэ көхтөөхтүк кыттыбыттар. Тэрээһин үүнэр көлүөнэни аһыныгас, амарах уонна үтүө санаалаах буоларга, кыһалҕалаахтарга, кыамматтарга көмөлөһөргө иитэр-үөрэтэр сыаллаах-соруктаах ыытыллыбыт.
Барыта 15 пакет таҥас-сап, оонньуур, кинигэ, үөрэх тээбиринэ, уо.д.а. наадалаах мал-сал хомуллан «Тэрчи» дьиэ кэргэни өйүүр кииҥҥэ туттарыллыбыт. «Тэрчилэр» бэйэлэрин уонна көмөнү ылбыт дьиэ кэргэттэр ааттарыттан бу оскуола амарах санаалаах үөрэнээччилэригэр, учууталларыгар, тэрийээччилэригэр, төрөппүттэргэ махтаналлар.
Хаартыскаҕа: көмөнү оҥорбут үтүө санаалаах үөрэнээччилэр
+1
+1
+1
+1
+1
+1
+1