Сунтаар Илимнииригэр Федоровтар дьиэлэрэ баһаарга былдьаммытыгар бүтүн нэһилиэгинэн күүс-көмө буолбуттара. Бу туһунан суруналыыс Мария Кобельянова иһитиннэрдэ.
edersaas.ru
Евдокия уонна Тэрэпиим Федоровтар Илимниир ытык кырдьаҕастара, сэрии оҕолоро, үлэ бэтэрээннэрэ. Бу олунньу ыйга дьиэлэрэ умайан улаханнык аймаммыттара.
Кырдьаҕастарга көмө буолар сыалтан Илимниир баһылыга Ипатий Иванов ыҥырыы таһааран, араас көмө оҥоһуллубута. Ол курдук, улуус дьаһалтата дьиэ тутталларыгар үбүнэн, онтон нэһилиэк дьаһалтата маһынан, ону кытта ыаллыы олорор Антоновтар дьиэ кэргэттэрэ эмиэ тутуу матырыйаалынан көмөлөспүттэрэ.
Үтүө санаалаах дьон, аймахтара бары түмсэн аһынан-таҥаһынан, үбүнэн, матырыйаалынан, онтон социальнай харалта саҥа дьиэни ханаапаакылаан көмөлөспүттэригэр Тэрэпиимнээх, Евдокия махталлара муҥура суох диэн Сунтаартан Мария Кобельянова-Тускулаана иһитиннэрдэ.
edersaas.ru
+1
1
+1
+1
+1
+1
+1
+1