«Үтүө санаа уонна доҕордоһуу биһигэ» диэн өрөспүүбүлүкэҕэ кэтэхтэн ыытыллыбыт поэзия бэстибээлин кыайыылаахтарын Туймаада ыһыаҕар эҕэрдэлээтилэр. Бу туһунан А.Е.Кулаковскай аатынан норуоттар доҕордоһууларын дьиэтин пресс-сулууспатыттан иһитиннэрдилэр.
—Тэрийээччилэр — А.Е.Кулаковскай аатынан норуоттар доҕордоһууларын дьиэтин үөрэтэр-методологическай киинин бибилэтиэкэтин кэлэктиибэ. Поэзия бэстибээлэ тохсунньу 18 күнүттэн бэс ыйын 15 күнүгэр диэри ыытыллыбыта. Барыта 47 киһи нууччалыы, сахалыы тылынан кытынна.
Дьүүллүүр сүбэҕэ, нууччалыы тыллаах хоһооннору Пашкевич Ольга Иосифовна — Арассыыйа суруйааччыларын сойууһун чилиэнэ, филология наукатын кандидата, СӨ культуратын үтүөлээх үлэһитэ; Кычкина Екатерина Александровна – Арассыыйа суруйааччыларын сойууһун чилиэнэ, СӨ суруйааччыларын сойууһун чилиэнэ; Ольга Робертовна Солдатова — СӨ культуратын туйгуна, А.Е.Кулаковскай аатынан норуоттар доҕордоһууларын дьиэтин национальнай культураларга киинин сүрүн исписэлииһэ сыаналаатылар. I ст. грамотанан – Вера Донская, II ст. грамотанан – Лидия Садыкова, III ст. – Жанна Константинова, Людмила Тарасова буоллулар.
Сахалыы тыллаах хоһооннору Гоголев Александр Николаевич – СӨ народнай худуоһунньуга, СӨ искусствотын үтүөлээх диэйэтэлэ; Иванова Акулина Михайловна – Саха сирин суруйааччыларын сойууһун чилиэнэ, филолог, суруналыыс; Флегонтова Ульяна Михайловна – филолог, этнопедагог, методист, СӨ үөрэҕириитин туйгуна көрдүлэр. III ст. грамотанан Илья Иванов-Хоһуун, II ст. – Диана Сутакова, I ст. – Мария Винокурова наҕараадаланнылар.
СӨ «Поэзия в лицах» норуоттар икки ардыларынааҕы социальнай бырайыак эрэгийиэннээҕи бэрэстэбиитэлэ Кычкина Екатерина Александровна уонна А.Скрипин рестораннай холдинын дириэктэрэ Татьяна Александровна Тымырова спонсордаатылар.
+1
+1
+1
+1
+1
+1
+1