Бэҕэһээ миэхэ Дьокуускай куорат 3 №-дээх балыыһатын рентген-лаборана Александр Яковлев доҕотторо эрийдилэр.
Кинилэр Александрга куолай үһүс истиэпэннээх искэнин булбуттарын, бу ынырык ыарыыттан кыайан саҥарбатаҕа ый буолбутун туһунан кэпсээтилэр.
Мин тута: «Хайдах аһыыра буолуой?» диэн толкуйга түстүм.
Хомойуох иһин, ыарыыта түргэнник күүһүрэн иһэр. Ол эрэн, быраастар Александр үтүөрүөҕэр эрэллээхтэр. Корея биир килииникэтэ эпэрээссийэлииргэ бэлэм, онуоха 2 мөлүйүөн 600 тыһыынча харчы наада.
Дьокуускайдааҕы 3 №-дээх балыыһа кэлэктиибэ Александрга көмөлөһөн харчы хомуйар. Александр Николаевич уонтан тахса сыл рентген-лаборанынан үлэлээбит Өрөспүүбүлүкэтээҕи 2 №-дээх балыыһатын кэлэктиибэ ааксыйаны тэрийэр. Ааксыйаттан киирбит харчы кини счетугар угуллуоҕа.
Дьиҥнээх доҕоттор алдьархайга биллэллэр диэн баар. Бу строкалары ааҕар дьон киниэхэ эмиэ чугас доҕор буолуохтарыгар эрэниэҕи баҕарыллар. Александр Яковлев олус сэмэй уонна үтүө санаалаах киһи. Киниэхэ билигин хас биирдии күнэ, чааһа ааҕыллар, ол да буоллар эрэлин сүтэрбэт.
Александр Яковлев:
Сбербаанын нүөмэрэ 2202200227116231,
мобильнай баанын нүөмэрэ 89679135925.
Зоя ИГНАТЬЕВА, Дьокуускай, edersaas.ru